Ég fékk sendan mjög skemmtilegan tölvupóst.. ákvað að deila honum með ykkur:

Fólk sem að fæddist fyrir 1990 ætti að vera dáið!!! (eða vorum við bara heppin??)

Já, samkvæmt löggjöfum og skriffinnum nútímans ættu þau okkar sem voru börn á 5., 6., 7. og 8. áratuga síðustu aldar ekki að hafa lifað af.

-Að fá far á vörubílspalli var sérlega gaman.

-Við borðuðum brauð með smjöri, drukkum gos með sykri, en fæst okkar lentu í offituvandamálum, því við vorum alltaf úti að
leika

-Við deildum gjarnan gosflösku með öðrum og allir drukku úr sömu flöskunni án þess að nokkur létist.

-Við fórum í sunnudagsskóla eða sóttum KFUM og K, sungum og vorum í Skátunum og lærðum hnúta og kurteisi.

-Ef það sprakk á hjólinu lagfærðum við það í sameiningu og alveg sjálf.

Við áttum bara gott líf er það ekki?

Í tilefni þessa föstudags ætla ég að setja hér inn myndband af gaurunum bak við Simpsons fjölskylduna.. þetta er tær snilld, tékkið á þessu og stillið hljóðið hátt!

UCxmuuc4JIk

Jæja, þá erum við komnir heim eftir alveg hreint út sagt frábæra ferð í alla staði. Smá breyting varð á síðustu stundu, þegar Alli Filla hætti við að koma með, og Brynjar Harðar ákvað að skella sér með í staðinn

Amsterdam er málið, og klárlega ein af skemmtilegustu borgum í evrópu. Frábært mannlíf, frábær menning, frábær matur, og frábært veður! Ekkert hægt að hafa það betra

Fáum smá myndbrot:

Á sunnudaginn fórum við svo til Alkmaar til Grétars Steins, og sáum leikinn AZ – FC Twente. Leikurinn var góður og endaði hann 2-2

Fáum smá myndir af því líka

Glæsilegur leikvangur hjá AZ

Mættir á völlinn

Vel merktir!

Svo er hérna mynd af Gretsky í lokin! (mynd fengin að láni frá AZ síðunni).

Klukkan 18:30 hefst fyrsti alvöru leikur United í meistaradeildinni, þeir mæta Celtic á Old Trafford og verður leikurinn sýndur í beinni á SÝN.

Rooney og Scholes eru mættir aftur til leiks eftir 3ja leikja bann!

Þessi leikur verður örugglega alveg hrikalega góður, og mínir menn eru á flugi þessa dagana og því spái ég hér með að United vinni öruggan sigur í kvöld 3-1

Jæja kæru vinir.. þá styttist í haustferðina 2006.
Sumarið 2004 ákváðum við Elli, Guðni, Gaui Marinó, og Gústi að skella okkur í helgarferð til köben í águst. Sú ferð heppnaðist gjörsamlega fullkomlega, og við ákváðum að svona ferð yrði farin á hverju hausti hér eftir

Í lok ágúst 2005 var haldið í ferð númer 2, og aftur varð Köben fyrir valinu. Stofnhópurinn frá fyrra ári var mættur, ásamt þremur öðrum nýliðum, það voru snillingarnir Ingvar, Leó og Valbjörn.

Fáum myndbrot:

Við erum allir mjög hagsýnir menn, og þess vegna tókum við Limmó á völlinn, þar sem það var ódýrast.. fyrir utan það að fara á einkabílum eða taka flugrútuna..

Núna er komið að ferð númer 3.. en ákveðið var að breyta til og fara til Amsterdam í staðinn fyrir köben. Í Amsterdam er fullt af söfnum sem við ætlum að skoða, ásamt því að fá okkur nokkra bjóra og fara út að borða á hverju kvöldi. Og í raun bara að lifa eins og kóngar. 3 úr hópnum í fyrra eru dottnir út, þeir Ingvar, Lebbi, og Gaui Mar komast ekki með í ár. En það kemur einn nýliði inn sem mun pottþétt bæta þann missir úr. Það er enginn annar en hinn magnaði Aðalbjörn Sigurður Filippusson, eða Alli Filla, eða Alkapuss sem ætlar að slást í för með okkur!

Jebb Jebb, þannig að ég, Elli, Guðni, Gústi, Valli og Alli erum að fara til amsterdam núna á föstudaginn, og komum tilbaka á mánudag, stoppum í 3 nætur á hóteli í hjarta Amsterdam!! 

ÞVÍLÍK MENNING SEM ÞETTA VERÐUR!!!!

Ætli það sé einhver sem komi á þessa síðu lengur ? Ég efast um það því lítið hefur verið bloggað undanfarið!
En ástæðan fyrir bloggleysinu er náttúrulega sú að við Fanný fórum í sumarbústað í viku á Hellu. Þvílíkt lúxus líf sem það var.. Við kíkktum á nokkra skemmtilega staði á suðurlandinu, s.s. Dyrhólaey, Vík í mýrdal, Seljandafoss (og bak við hann), Fjórhjól í Bakkafjöru, og svo náttúrulega testuðum við sundlaugarnar á Hellu, Hvolfsvelli og Skeiðarlaug. En þess á milli var bara legið í leti.. farið í nuddpottinn, eða slakað á fyrir framan sjónvarpið og borðað góðan mat. Svo líka fengum við magnaða gesti, Magnús, Hulda og Grímur skæruliði komu til okkar á laugardag – sunnudag, og svo komu Valli og Jóhanna á sunnudag til mánudags. En þetta var fullkomin vika og ég mæli með því að fara í bústað ef fólk vill almennilega afslöppun!

Eins og sjá má er þetta algjör lúxus bústaður, með öllum hugsanlegu græjum sem þú þarft. Við eigum pottþétt eftir að taka nokkrar helgar þarna í vetur.

Síðasta laugardag, fórum við á Ljósanótt í keflavík, vorum þarna frá 19:00 – 23:00 alveg helvíti magnaður anskoti. Sálin og fleiri að spila þarna á sviðinu og síðan kom flugeldasýning dauðans. Djöfull sem hún var flott og það var meira segja logn þarna (örugglega í fyrsta sinn í 7 mánuði)  þetta var svona 10x flottari og stærri sýning en flugeldasýningin sem var á menningarnótt, bara snilld.

Svo er það náttúrulega mál málanna! Það er hann Magni. Gaurinn er kominn í úrslitaþátinn í Rockstar! Það er náttúrulega frábært mál, og hann hefur svo sannarlega staðið sig vel. Hörku söngvari hér á ferð, og ég held að hann sé ekkert á leiðinni heim á klakann.. það rignir yfir hann tilboðum í USA um plötusamninga og ef það er eitthvað vit í hausnum á honum, þá náttúrulega stekkur hann á það og græðir fullt af peningum (vonandi).

En djöfull er gaman af því hvað við íslendingar erum KLIKKAÐIR þegar kemur að einhverju svona. Það eru gjörsamlega allir hérna á klakanum sem styðja við bakið á honum. Og við kjósum svo mikið að kerfin hjá símafyrirtækjunum hrynja! Þetta er náttúrulega bara tær snilld og ekkert annað. Við erum svo lítil þjóð að það er rugl… frábært að sjá þennan svakalega stuðning. En fyrir hans hönd.. þá vona ég að hann vinni þetta ekki, Gilby og Tommy eru svoddan sýruhausar. Jason Newsted er eini alvöru naglinn í þessu supernova bandi.. enda var hann í Metallica frá 1986-2001.. í 15 ár!.. pælið í því.

Netheimurinn er líka alveg að missa sig í þessu.. ég heyrði í gær á Bylgjunni að það væri til heimasíða þar sem þú getur “Magni-fy-að” þig. Sem virkar þannig að þú sendir inn mynd af þér, og færð senda mynd til baka þar sem þú ert sköllóttur með hökutopp!!! HEHEHEHHE Þvílíkt RUGL!!